FELPEYU – Saltones Expósitos

Saltón das cuadernas del Fornello (Lisardo Prieto) / Xiringüelu de xipla (trad.) / Saltón d’En Ca Lisardo Lombardía (Diego Pangua).

Lisardo decidió aprovechar el confinamientu pa caciplar en discos duros ignotos, y claro, aparecen coses. De la que grabamos l’últimu discu del grupu hasta la fecha, “Cerquina”, dexamos fuera esti amiestu de saltones porque nun nos convencía del too. Depués d’ensayalu durante meses xunto colos otros temes que diben formar parte d’aquel trabayu, estos saltones quedaron pa prau, abandonaos, escaecíos, separtaos del restu de pistes del discu y, lo más importante, ensin nome. Expósitos.

Trátase d’una composición de Lisardo empatada con un xiringüelu de xipla del suroccidente´l país y una composición de Diego que ye mayormente una adaptación de les frases típiques de cruces y de pasu jota nos saltones del centro. Préstanos sacar esti tema agora porque permítenos escuchar una vez más a Elías García al buzuki. Sicasí, la dedicatoria nun ye pa Elías nesta ocasión, porque amás hai que dicir qu’él nun vía esti tema claru del too. Ye pal históricu curdioneru del grupu Xuan Nel Expósito. Un abrazu.

This set should have been in our latest album, “Cerquina”, but in the end we decided we didn´t like it enough. It may be because of the lockdown blues, but now we´ve found the track on a hard drive and feel it´s probably worth a listen, if only because the late Elías García features on bouzouki. Hope you enjoy it. By the way, “Expósito” means “foundling”; it happens to be the last name of a former member of the band, accordion player extraordinaire Xuan Nel Expósito.