La primer formación de Felpeyu en 1992.

HISTORIA


1991/1992

Fórmase'l grupu FELPEYU por un grupo de estudiantes universitarios con inquietudes musicales asemeyaes. Tres escomenzar les sos actuaciones en directu en numeroses sales y locales, el grupu entama a tocar n'escenarios d'Asturies, Castiella-Llión y Galicia.

1993

3ª posición nel Concursu de folk de Vilagarcía de Arousa (Pontevedra), premiáu cola grabación de dos cortes nun CD compartíu con otres dos bandas. Grabación de dos maquetes.

1994

Primer cd/mc de llarga duración: FELPEYU. Xira promocional per Asturies. Xira per Galicia y Castiella-Llión dientro'l Programa d'Intérpretes Mozos de Folk patrocináu pol Institutu de la Mocedá (INJUVE). Presentación del cd na Plaza la Catedral d'Uviéu.

1995

Primer xira n'Italia. Conciertu nel Festival Intercélticu de Lorient (Bretaña, Francia) representando a Asturies. Actuación nel Día d'Asturies, puntu d'alcuentro de miles d'asturianos.

1996

Actuaciones n'Asturies, España y Italia. FELPEYU abre'l Programa d'Intérpretes Mozos '96 con una actuación en Madrid, y depués xira pel territoriu español patrocinada pol Instituto de la Mocedá (INJUVE) na que FELPEYU ye otra vuelta la banda más solicitada.

1997

Nuevu cd/mc: TIERRA. Presentación nel Teatru Xovellanos de Xixón (conciertu íntegru filmáu y editáu por Tele Xixón). Conciertos en festivales d'Asturies y del restu España. Tierra conviértese darréu nel discu asturianu l'añu.

1998/1999

Los años de más actividá en festivales folk españoles de primer magnitú: Folk Segovia, Ortigueira, Ancares-Seo, Moaña, Ceutí, Cartagena... Nueva xira n'Italia.

2000

Xira per Australia: siete selmanes y hasta 30 feches -incluyendo tres de los más importantes festivales de folk australianos, nos que FELPEYU actúa pa audiencies de miles de persones collechando un ésitu ensin precedentes- nos estaos de Victoria, Nueva Gales del Sur, Territoriu de la Capital d'Australia y Australia'l Sur, cubriendo les ciudaes cabezaleres australianes: Sydney, Melbourne, Adelaida, Canberra, Wollongong, Geelong. Nueva xira n'Italia. Conciertos n'Asturies y España. Confírmase una nueva xira australiana. Grabación del cd en directu Live Overseas, pa ser editáu n'Australia con motivu de la segunda xira'l grupu, que entamará n'Avientu.

2001

Nueva xira n'Australia, con un calendariu de casi 40 díes, actuando nel llexendariu Woodford Folk Festival -FELPEYU cierra'l conciertu final, tres l'afamado Fire Event (Ceremonia del Fuego), actuando pa más de 20.000 persones-, Día d'Australia (la fiesta nacional, festeyada nel Darling Harbour, el centru Sydney), y festivales, teatros y sales de Nueva Gales del Sur, Queensland, Victoria y Tasmania: Sydney, Melbourne, Brisbane, Canberra, Wollongong, Newcastle, Byron Bay, Yamba, Bellingen, Armidale, Bathurst, Mullumbimby, Gold Coast, Beechworth, Cygnet. Salides a Portugal y Canadá -Montréal International Celtic Festival-.

2002

Grabación del nuevu cd, pa ser editáu en 2003, y constitución del nuevo sellu'l grupu, Tierra Discos. Conciertos en festivales asturianos y nacionales.

2003

Llanzamiento del esperadísimu nuevu álbum "YÁ!" n'España y n'Australasia col nuevu sellu Tierra Discos. Nueva xira n'Australia, presentando'l discu nel festival de world music más importante'l planeta, el WOMAD (Adelaide, SA) -nel que FELPEYU foi'l grupu revelación, y terceru en ventes- y nos principales festivales y sales australianes: Port Fairy Folk Festival (P. Fairy, VIC), Brunswick Folk Festival (Melbourne, VIC), Blue Mountains Folk Festival (Katoomba, NSW) y sales de Canberra (Tilley's), Brisbane (The Winery), Melbourne (Corner Hotel) y Sydney (The Basement). FELPEYU representa a Asturies nel Festival Intercélticu de Lorient. Entre les feches de presentación n'Asturies destaquen la Plaza la Catedral d'Uviéu y la Plaza l'Ayuntamientu de Xixón, conciertos multitudinarios nes fiestes de les dos ciudades.

2004

Presentación del YÁ! en Bruseles (Bélxica). Primer xira per Polonia: conciertos nos principales festivales de folk del país, Dowspuda -Festiwal Celticky Dowspuda- y Skierniewice -Ethnosfera Festival- amás de dos feches en Varsovia, Galerii Zacheta y la conocida sala Traffic.

2005

Xira per Escandinavia (Suecia y Dinamarca) y Líbanu en xunu. Conciertos pela xeografía española, en festivales de primer orden d'Euskal Herria, Catalunya, Galicia, etc.

2006

N'alborada'l 24 de xunu Felpeyu sufre un accidente de tráficu de la que diben a Barcelona, finando Igor Medio y Carlos Redondo.

2007

Tres la forzada reestructuración, el grupu retoma l'actividá entamando'l festival "N'Alcordanza d'Igor y Carlos" y tocando en dellos festivales asturianos como Ibias, Porcía o'l día d'Asturies en Navia y en Castellón.

2008

N'abril presenten el so quintu trabayu discográficu "Canteros" nel Teatru Filarmónica d'Uviéu, ésitu de crítica y públicu. La promoción del mesmu llévalos al Festival folk de Calaf (Barcelona), Centru asturianu d'Alcalá de Henares (Madrid), Selmana Grande (Xixón), Festival Llanes al Cubo (Llanes). Tamién faen una nueva xira per Italia. Destaca esti añu la collaboración del grupu cola Banda Gaites El Llacín, de Llanes nel espectáculu Xideces, del qu'espublízase una grabación en directu en DVD.

2009

Siguen colos conciertos de presentación de "Canteros", que los lleva al Shetland Folk Festival y Glasgow (Escocia), Festival Intercélticu de Lausana (Suiza), Festival Intercélticu de Lorient (Bretaña) amás d'una nueva visita a Italia. Dientro l'estáu visiten el prestixosu festival catalán CAT (Barcelona), El Pilar Folk (Zaragoza) y Villamayor (Salamanca). N'Asturies siguen colos conciertos avezaos de tolos branos.

2010

Entama l'añu cola participación del grupu nunu de los festivales de folk más prestixosos del mundu, el Celtic Conections de Glasgow (Escocia). Lleven a escena nel festival "Tolo d'Asturies" (La Felguera) un perinteresante espectáculu col grupu finlandés Frigg, amestando música asturiana y nórdica. El branu sigue colos conciertos avezaos en casa, rematando col día d'Asturies en Ribeseya.

2011

Añu de conciertos asturianos a los qu'hai que sumar dos salides importantes, el festival PIR 2011 n'Ansó, Huesca (Aragón) y el Festival Intercélticu de Guingamp (Bretaña).

2012

Ente los pocos conciertos d'esi añu, rescampla la participación del grupu nel Festival Arcu Atlánticu de Xixón y nel Festival Sauga Folk, Colindres (Cantabria).

oriciu